لبنیلی سبع اقصور من صخر گلبک**** و بین القصور انداس سچه علی  گلبک

ما تدری های الروح متعذبه منک **** لکن یجیهه العید لو ضحک سنک

صاحب صحیب البیه تنگط المروه****و اترک البد الذات و الخوته  گوه

ارد اگطف ابمحچال کل عتبی لیکم**** هالبت سکفکم طاح خایب علیکم

کون انا اصیرن طیر و اوصل سماکم****و انقط عشر مرات گلبی هواکم

یا گلبی بسک عاد بسک بعد عاد****چم حسره صارت بیک من فرگ الابعاد

یا روحی بسچ عاد مالچ تونین****نص ساعه ما شفتی حسبالچ اسنین

گلبک صخر جلود ما بی محنه****لا رحم لا انصاف بیک امتحنه

گلنه الدلال ایجوز یتغاوه خله****حط بالگلب یا ناس تالیهه عله

حس گلبی هاذه الیوم راید یشوفک****لا تعتذر و اتگول صعبت ظروفک

هس الگلب و النوب کثر هسیسه****کسر الوکت ویای کسر الفریسه

ارد اصرخ آنه ابصوت و اهتف ابهایه****انته البدایه اتصیر و انته النهایه

کل الهله ابملگاک یا شهل العیون****ما اگدر الفرگاک یا صاحبی اشلون

اچوی الگلب بلنار لو بی ندامه****لو طب طب و لو مال لو بی علامه

یا گلبی بسک عاد تهلک النوبه****عوف و بعد للموت اصرخ التوبه

بسکم بعد بس عاد هل یل تلومون****حامت علی دنیای و انتم تحومون

آمر علینه ارجوک و امرک نطیعه****و الماینفذ کون راسه گطیعه

جبت العمر یاصاح حسره اعلی حسره****و صار الملح منعوت عندچ یبصره